القدس

القدس


القدس بتصحي النيام

علي صوت قنابل مش حمام

علي لون الدم يفزع م المنام

علي صرخة الطفل اللي أتولد ولا عرف معني السلام

علي ضحكة العسكر وهي بتخطف الابن من أبوه

علي آآآآآآآهة الدرة اللي قلبه قطعوه

علي كل كلمة حق هما سكتوه

علي زغردة أم وهي بتودع ضناها

علي هتاف الأب وهو بيهد البيوت اللي بناها

علي شعب قاوم بالحجارة

ولا نسيش طعم المرارة

علي كل دمعة طفل تمحي ضحكته

علي صوت رصاصه بتكسر له لعبته

علي نظرة الطفل اللي مالوش غير أمه وأبوه

واللي ف صغره ولحد اخر عمره يتموه وعذبوه

وتقولوا راح نطلب سلام

علي ايه السلام

خلاص ما مات كل الحمام

خلاص قلوبهم عمرها ما هييجي يوم تعرف تنام

ودبل خلاص شجر الزيتون ومعدش فيه غير انتقام

فين السلام ؟؟؟

فين السلام ؟؟؟